მაიკლ კერიკის ხელმძღვანელობით "მანჩესტერ იუნაიტედმა" პრემიერ ლიგაში ოთხი გამარჯვება და ერთი ფრე დააფიქსირა.

მიუხედავად დამაკმაყოფილებელი შედეგებისა, კერიკი მთავარი მწვრთნელის სრულფასოვან პოზიციაზე დანიშვნის ფავორიტად ამ ეტაპზე არ განიხილება. ამის შესახებ Sky Sports წერს.

წყაროს ცნობით, "მანჩესტერ იუნაიტედი" ზაფხულში გუნდის სათავეში ისეთი სპეციალისტის დანიშვნას ამჯობინებს, რომელსაც ძლიერი ხასიათი და დიდი გამოცდილება აქვს, რათა შესაძლო სირთულეებს ეფექტურად გაუმკლავდეს.

კერიკი კლუბს კარგად იცნობს, თუმცა ავტორიტეტის კუთხით ის ისეთ კანდიდატებს ჩამორჩება, როგორებიც არიან კარლო ანჩელოტი და თომას ტუხელი.

ამავე დროს, აღინიშნება, რომ ჩემპიონთა ლიგაზე გასვლის შემთხვევაში კერიკის თანამდებობის შენარჩუნების შანსები გაიზრდება.