ბრაიტონის ნახევარმცველი კარლოს ბალება კვლავ "მანჩესტერ იუნაიტედის" ყურადღების ცენტრშია.

TEAMtalk-ის ჟურნალისტის, გრემ ბეილის ინფორმაციით, "წითელი ეშმაკები" კამერუნელი ფეხბურთელის მიმართ სერიოზულ ინტერესს ინარჩუნებენ.


"ბრაიტონმა" ნათლად განაცხადა, რომ 115 მილიონ ევროზე ნაკლებ წინადადებებს თავისი ფეხბურთელის სანაცვლოდ არ განიხილავს.

კარლოს ბალება "ბრაიტონში" 2023 წელს ფრანგული "ლილიდან" გადავიდა, 27 მილიონი ევროს სანაცვლოდ.

მისი კონტრაქტი ძალაშია 2028 წლის 30 ივნისამდე. მიმდინარე სეზონში 22 წლის ნახევარმცველმა "თოლიების" შემადგენლობაში ყველა ტურნირზე ჯამში 23 მატჩი ჩაატარა, თუმცა საგოლე მოქმედებით არ გამოირჩეოდა.

Transfermarkt-ის მონაცემებით, ფეხბურთელის სატრანსფერო ღირებულება 60 მილიონ ევროს შეადგენს.