გუშინ, 21:30

ავტორი: Svanchester,

ნანახია: 64,

კომენტარები: 0

"იუნაიტედმა" შეთავაზება გააკეთა

კერიკს შემადგენლობის გაძლიერება სურს.

პორტუგალიელმა ნახევარმცველმა რუბენ ნევეშმა, რომელიც საუდის არაბეთის "ალ-ჰილალში" ასპარეზობს, შესაძლოა ინგლისის პრემიერლიგური კარიერა განაახლოს.

შეგახსენებთ, რომ მოთამაშე არაბულ ლიგაში სწორედ "ნისლიანი ალბიონიდან" გადაბარგდა.

მისი მომსახურებით "მანჩესტერ იუნაიტედი" ინტერესდება. სპორტული მიმომხილველი და ჟურნალისტი ეკრემ კონური იტყობინება, რომ "წითელმა ეშმაკებმა" ფეხბურთელის სანაცვლოდ შეთავაზება უკვე გააკეთეს.

"ოლდ ტრაფორდელები" მზად არიან ნევეშისთვის 23 მილიონი ევრო გადასარიცხად გაამზადონ. რუბენის მოქმედი კონტრაქტი საუდის კლუბთან მომავალ ზაფხულს იწურება.

პორტუგალიელმა ნახევარმცველმა მიმდინარე სეზონში "ალ-ჰილალის" 21 მატჩში მიიღო მონაწილეობა, პირად აქტივს რაც შეეხება, ნახევარმცველმა რვა გოლი გაიტანა და ოთხი საგოლე გადაცემაც გააკეთა.

სიახლეები

0 კომენტარი

ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.