"მანჩესტერ იუნაიტედის" ლეგენდარულმა ყოფილმა მცველმა, რიო ფერდინანდმა, რუბენ ამორიმის მუშაობის შესახებ ისაუბრა და სპეციალისტის მიმართ გულშემატკივრებს ნდობისკენ მოუწოდა.

პორტუგალიელი მწვრთნელი გასული წლის ნოემბრიდან ხელმძღვანელობს გუნდს, თუმცა გუნდს სტაბილურობა ჯერ კიდევ არ უპოვია საკუთარ თამაშში.

"ვფიქრობ, ჩვენ, გულშემატკივრები, ძალიან მოუთმენლები ვართ. გვინდა, რომ შედეგები აქ და ახლა ვნახოთ, მაგრამ ეს ადვილი არ არის.

რამდენი წელია მიკელ არტეტა „არსენალში“ მუშაობს? ხუთი, ექვსი? მათ ჯერ კიდევ არ მოუგიათ პრემიერ ლიგა, მაგრამ მნიშვნელოვანი პროგრესი განიცადეს - ეს ადასტურებს, რომ ყველაფრის აშენებას დრო სჭირდება.

სწორედ ამიტომ, ვფიქრობ, რომ ამორიმს დრო უნდა მივცეთ", - ციტირებს ფერდინანდის სიტყვებს UtdDistrict.

წითელი ეშმაკები“ პრემიერ ლიგის ცხრილში მეექვსე ადგილზე არიან 16 მატჩის შემდეგ ისინი 26 ქულას ფლობენ.