"მანჩესტერ იუნაიტედის" ნახევარმცველი კობი მაინუ "ნაპოლის" ერთ-ერთი სატრანსფერო სამიზნეა.

იტალიური კლუბის ინტერესი ინგლისელის მიმართ კევინ დე ბრუინის ტრავმის შემდეგ კიდევ უფრო გაიზარდა, შეგახსენებთ, რომ ბელგიელი დაახლოებით ოთხი თვის განმავლობაში ვერ ითამაშებს.

გარდა ამისა, ანდრე-ფრანკ ზამბო-ანგუისა შესაძლოა ამ ზამთარში აფრიკის ერთა თასზე წავიდეს, რაც იმას ნიშნავს, რომ ანტონიო კონტეს იანვარში ნახევარდაცვის გაძლიერება დასჭირდება.

"კორიერე დელო სპორტის" მიერ გავრცელებული ცნობით, "ნაპოლი" მაინუს სეზონის ბოლომდე იჯარის წესით გადაბირებით არის დაინტერესებული და, როგორც ჩანს, გარიგებაში გამოსყიდვის ოფცია არ იქნება გათვალისწინებული.

20 წლის ნახევარმცველი, რომელიც რუბენ ამორიმის გუნდში რეგულარული სათამაშო დროის ნაკლებობით უკმაყოფილო იყო, აგვისტოში იჯარით გაშვებას დაჟინებით მოითხოვდა, თუმცა "წითელი ეშმაკების" ხელმძღვანელობამ ეს მოთხოვნა უარყო.