"მანჩესტერ იუნაიტედის" თავდამსხმელმა ბრაიან მბეუმომ კლუბში ადაპტაციის შესახებ ისაუბრა, შეგახსენებთ, რომ ფეხბურთელი გუნდს გასულ ზაფხულს შეუერთდა.

"გულწრფელად რომ ვთქვა, წარმოუდგენელი შეგრძნებაა. აქ ატმოსფერო გიჟურია. გულშემატკივრები საოცრებები არიან და გოლების გატანა ყოველთვის სასიამოვნოა, განსაკუთრებით ამ სტადიონზე.

აქაურობა ძალიან მომწონს. თავიდან რთული იყო - ახალი გარემო, ახალი მოლოდინები, მაგრამ ვფიქრობ, ყველაფერი სწორი მიმართულებით მიდის", - თქვა ფეხბურთელმა მატჩის შემდეგ.

"მანჩესტერ იუნაიტედს" ამჟამად 16 ქულა აქვს და პრემიერ ლიგის ცხრილში მეოთხე ადგილზე იმყოფება.