"ლივერპულთან" გატანილი გოლის შემდეგ, "მანჩესტერ იუნაიტედის" ცენტრალურმა მცველმა ჰარი მაგუაიერმა პუბლიკის მხრიდან ქება დიდება დაიმსახურა.

კარიერაში ჩავარდნილი პერიოდის შემდეგ ფეხბურთელმა ერთგვარი "დაქამბექება" შეძლო და დღეს ოპტიმალურ ფორმას ინარჩუნებს.

ჰარის მიმართ საქებარი სიტყვები არც უეინ რუნიმ დაიშურა, რომელსაც ქვემოთ შემოგთავაზებთ.

"იცით, მე ნამდვილად ვერ გავუძლებდი იმ ყველაფერს, რაც ჰარიმ გადაიტანა ამ ხნის მანძილზე ის წლების განმავლობაში "მიმების" საგანი იყო! აფრიკის რომელიღაც პარლამენტშიც კი ვნახე, როგორ ხუმრობდნენ მასზე.

მისი სახელი ხშირად დამცინავ კონტექსტში იყო ნახსენები. და მან ყველაფერი გადაიტანა. ეს იმაზე მეტყველებს, თუ რა წარმოუდგენლად ძლიერი ადამიანია. შემდეგ კაპიტნის სამკლაური წაართვეს, დასცინოდნენ...ეს ბულინგი იყო.

ყველა მხრიდან ბულინგის მსხვერპლი გახდა. და მან ყველაფერი გადაიტანა, გადაიტანა და თავი შეინარჩუნა. ეს მის შინაგან ძალაზე და ბევრ რამეზე მეტყველებს. ძალიან მიხარია მის დღევანდელი მდგომარეობა", - თქვა რუნიმ The Wayne Rooney Show პოდკასტში.