მედიაში არაერთი ინფორმაცია გავრცელდა, რომ თითქოს კაზემირო 2025/2026 წლების სეზონის ბოლოს "მანჩესტერ იუნაიტედს" თავისუფალი აგენტის სტატუსით დატოვებს.

თუმცა, შესაძლოა, "წითელმა ეშმაკებმა“ გამოცდილი ბრაზილიელი შეინარჩუნონ. ESPN საკუთარ წყაროებზე დაყრდნობით იუწყება, რომ ინგლისური გრანდი მზად იქნება კაზემიროს კონტრაქტი გაუხანგრძლივოს, თუ ის ხელფასის მნიშვნელოვან შემცირებას დათანხმდება.

ამჟამად, 33 წლის კაზემირო კლუბის ერთ-ერთი ყველაზე მაღალანაზღაურებადი ფეხბურთელია. მის კონტრაქტში ერთი სეზონით გახანგრძლივების ოფციაა ჩადებული.

თუმცა, თუ "წითელი ეშმაკები" ამ ოფციას გააქტიურებენ, კაზემიროს ხელფასი უცვლელი დარჩება.