სეზონის ბოლომდე "მანჩესტერ იუნაიტედიდან" იჯარის წესით მოასპარეზე მარკუს რეშფორდი კატალონიელთა გულებს იპყრობს. ფეხბურთელი შესანიშნავ ფორმაშია და მოედანს ბოლო შეხვედრებია საგოლე მოქმედებების გარეშე არ ტოვებს.

The Sun-ის ცნობით, "ბლაუგარნას" ხელმძღვანელობა თავდამსხმელის სატრანსფერო საიჯარო ხელშეკრულების სრულად გამოსყიდვას გეგმავს.

რეშფორდის გამოსასყიდი თანხა კატალონიურ გიგანტს შესაძლოა 25 მილიონი ევრო დაუჯდეს, ხოლო "წითელმა ეშმაკებმა" შესაძლოა კიდევ 5 მილიონი ევრო მიიღონ ბონუსების სახით.

შეგახსენებთ, რომ რეშფორდი "ბარსელონამ" ბოლო სატრანსფერო ფანჯრის დროს იჯარის წესით დაიმატა. ინგლისელმა ამ სეზონში "კატალონიელთა" რიგებში ათი მატჩი ჩაატარა, სამი გოლი გაიტანა და ხუთი საგოლე გადაცემა გააკეთა.