"მანჩესტერ იუნაიტედის" ცენტრალური მცველი ლისანდრო მარტინესი მძიმე ტრავმის შემდეგ გამოჯანმრთელების პროცესს აგრძელებს.

არგენტინელი თებერვლის თვიდან ჯვარედინი იოგების დაზიანების გამო ვერ თამაშობს. "Mail Sport"-ის მიერ გავრცელებული ცნობით, 27 წლის ფეხბურთელი, სავარაუდოდ, სანაკრებო შესვენების შემდეგ სრულ ვარჯიშს დაუბრუნდება.

გასული კვირიდან ცენტრალური მცველი ბურთით ინდივიდუალურ პროგრამაზე მუშაობს.

ლისანდრო მარტინესმა "მანჩესტერ იუნაიტედის" შემადგენლობაში 91 მატჩი ჩაატარა მას შემდეგ, რაც კლუბს 2022 წლის ზაფხულში "აიაქსიდან" შეუერთდა.

მან "წითელი ეშმაკების" შემადგენლობაში სამი გოლი გაიტანა და სამი საგოლე გადაცემა გააკეთა.