იმ შემთხვევაში თუ პოტუგალიელი სპეციალისტი რუბენ ამორიმი "მანჩესტერ იუნაიტედის" მთავარი მწვრთნელის პოსტს დატოვებს, "ასტონ ვილას" ამჟამინდელი დამრიგებელი უნაი ემერი "წითელი ეშმაკების" სამიზნე გახდება.

აღნიშნულის შესახებ Football Insider - ი წერს. წყაროს ცნობით, "ასტონ ვილას" ხელმძღვანელობა ემერის მუშაობით უკმაყოფილოა, რადგან გუნდი მისგან მოსალოდნელ შედეგებს ვერ აჩვენებს.

"მანჩესტერ იუნაიტედს" შეუძლია ისარგებლოს ზემოხსენებული სიტუაციით. კლუბი ამჟამად რუბენ ამორიმის შემცვლელს ეძებს, თუ მასთან გარიგების დასრულებას გადაწყვეტენ არასახარბიელო შედეგების ჩვენების შემთხვევაში.

ინგლისის ჩემპიონატის ახალი სეზონის სამი ტურის შემდეგ, "მანჩესტერ იუნაიტედი" ოთხი ქულით მეცხრე ადგილზე იმყოფება.

"ასტონ ვილას" რაც შეეხება, ესპანელის შეგირდები გასავარდნ ზონაში ერთი ქულით მე-19 ადგილზე იმყოფებიან.