შეიძლება ითქვას, რომ "მანჩესტერ იუნაიტედის" სატრანსფერო ფანჯარა მიმდინარე სეზონში წარუმატებელი ნამდვილად არ ყოფილა, კლუბმა რამოდენიმე ახალი სახე დაიმატა რომელთა მათგანშიც არცთუ ისე მცირე თანხებია გადახდილი, თუმცა როგორც საინფორმაციო გვერდებზე დაიწერა შემადგენლობის თავკაცი რუბენ ამორიმი მაინც უკმაყოფილებას გამოხატავს ჩატარებული სატრანსფერო პოლიტიკით, აღნიშნულის შესახებ TEAMtalk-მა განაცხადა.

წყაროს ცნობით, პორტუგალიელ სპეციალისტს თავის გუნდში კიდევ ერთი კადრის "ატლეტიკო მადრიდის" ნახევარმცველის, კონორ გალაჰერის ხილვა სურდა რომლის ტრანსფერიც ვერ მოხერხდა, ძირითადი დეტალები თუ რატომ ვერ მოხერხდა, უცნობია.

ამორიმმა უკმაყოფილება გამოთქვა იმის გამო, რომ კლუბის ხელმძღვანელობამ მისი მთავარი მოთხოვნები აღნიშნულის შესახებ არ გაითვალისწინა. გასულ სეზონში კონორ გალაჰერმა 50 მატჩში მიიღო მონაწილეობა, ოთხი გოლი გაიტანა და ექვსი საგოლე გადაცემაც მიითვალა.

Transfermarkt-ის მონაცემებით, 25 წლის ნახევარმცველის ღირებულება 40 მილიონი ევროს შეადგენს.