"მანჩესტერ იუნაიტედმა" და ესპანურმა "რეალ ბეტისმა" ენტონის კონტრაქტის საბოლოო გამოსყიდვის თაობაზე შეთანხმებას მიაღწიეს, მისი საერთაშორისო ტრანსფერის ნებართვისა და რეგისტრაციის პირობით.

შეგახსენებთ, რომ ბრაზილიელმა ფლანგელმა გასული სეზონის მეორე ნახევარი "ბეტისში" გაატარა, სადაც 26 მატჩში ცხრა გოლი გაიტანა.

ენტონიმ "იუნაიტედის" შემადგენლობაში ბოლოს გასული წლის, იანვარში, "ოლდ ტრაფორდზე" "ბრაიტონის" წინააღმდეგ შეცვლაზე შესვლისას ითამაშა.

"კლუბის სახელით ენტონის მომავალში წარმატებებს ვუსურვებთ", - ნათქვამია ინგლისური კლუბის განცხადებაში.