"მანჩესტერ იუნაიტედის" თავდამსხმელი რასმუს ჰოილუნდი კარიერის იტალიურ "ნაპოლიში" გაგრძელებასთან ძალიან ახლოსაა.

როგორც ცოტა ხნის წინ გახდა ცნობილი, იტალიელები დანიელი მოთამაშის იჯარის წესით გადაბირებას გეგმავენ ხოლო ხელშეკრულებაში გამოსყიდვის პუნქტიც იქნება ჩადებული.

სპორტული ჟურნალისტისა და მიმომხილველის ნიკოლო სკირას მიერ გავრცელებული განახლებული ინფორმაციით, "ნაპოლი" დარწმუნებულია, რომ გარიგება მომდევნო 48 საათში დაიდება.

რასმუს ჰოილუნდის იჯარით გუნდში აყვანა იტალიის მოქმედ ჩემპიონს 5 მილიონი ევრო დაუჯდება, ხოლო გამოსასყიდი - 40 მილიონი იქნება.

წყაროს ცნობით, 22 წლის ფეხბურთელის მომავალი კონტრაქტი სერია A-ს გიგანტთან 2030 წლამდე იქნება გათვლილი.

ჰოილუნდი "მანჩესტერ იუნაიტედის" ღირსებას 2023 წლიდან იცავს - მას შემდეგ რაც "წითელმა ეშმაკებმა" ის ბერგამოს "ატალანტადან" თითქმის 80 მილიონი ევროს სანაცვლოდ შეიძინეს.