როგორც ჩანს, "პსჟ" სერიოზულად განიხილავს საკუთარი კარის დარაჯის ჯანლუიჯი დონარუმას გუნდიდან გაშვებას - იტალიელი, უეფას სუპერთასის ფინალის განაცხადშიც კი არ შეიყვანეს.

პრესა დონარუმას "მანჩესტერ იუნაიტედს" აქტიურად უკავშირებს, თუმცა ტრანსფერის ალბათობა ამჟამად დაბალია.

როგორც Goal-ის პორტალი The Athletic-ზე დაყრდნობით იტყობინება, მას შემდეგ, რაც "ასტონ ვილამ" ემილიანო მარტინესის ტრანსფერზე უარი თქვა, "იუნაიტედმა" გადაწყვიტა, ახალი მეკარე აღარ გაიფორმოს.

"წითელი ეშმაკების" პოზიცია მხოლოდ იმ შემთხვევაში შეიცვლება, თუ ანდრე ონანას მსურველი გამოუჩნდება და ის გუნდს დატოვებს.

პრემიერ ლიგის ახალი სეზონის პირველ რაუნდში რუბენ ამორიმის შეგირდები "არსენალს" უმასპინძლებენ. თამაში კვირას, 17 აგვისტოს გაიმართება.