"მანჩესტერ იუნაიტედის" მთავარი მწვრთნელი რუბენ ამორიმი კმაყოფილებას გამოხატავს გუნდის თავდამსხმელის რასმუს ჰიოლუნდის თამაშის მიმართ "ვესტ ჰემის" წინააღმდეგ სეზონისწინა მატჩში.

შეხვედრა შაბათს გაიმართა და "წითელი ეშმაკების" გამარჯვებით 2:1 დასრულდა. შეგახსენებთ რომ "მანჩესტერელთა" მხრიდან ორივე გოლი გუნდის კაპიტანმა, ბრუნო ფერნანდეშმა გაიტანა.

რაც შეეხება რასმუსს, დანიელი თავდამსხმელი სასტარტო შემადგენლობაში იმყოფებოდა და 66-ე წუთამდე ითამაშა.

"რასმუსის თამაში ძალიან მომეწონა: მისი სირბილი, დუელებში მონაწილეობა, თანაგუნდელებთან ურთიერთობა. მან შესანიშნავი სამუშაო გაწია", - განაცხადა პორტუგალიელმა მწვრთნელმა პრესკონფერენციაზე.

ცნობისთვის, რასმუს ჰიოლუნდმა პრემიერ ლიგის გასული სეზონის 32 მატჩში ოთხი გოლი გაიტანა, რაც არცთუ ისე მაღალი შედეგის შემტევისთვის, თუმცა როგორც ჩანს რუბენ ამორიმი ფეხბურთელის შესაძლებლობის მიმართ ოპტიმისმტურად არის განწყობილი და დიდი ალბათობით ჰოილუნდი კლუბს
ამ ეტაპზე არ დატოვებს.