ბოლო დღეებში პრესა აქტიურად აკავშირებს თავდამსხმელ ბენჯამინ შეშკოს "მანჩესტერ იუნაიტედთან", თავის მხრივ "წითელი ეშმაკების" მთავარი მიზანი თავდასხმის წინა ხაზის გაძლიერებაა.

სლოვენიელი აქამდე ინგლისის პრემიერ ლიგის სხვა ტოპ კლუბებთანაც იყო დაკავშირებული.

როგორც Transfer News Live - გერმანულ Bild-ზე დაყრდნობით იტყობინება, "ლაიფციგმა" შეშკოს სატრანსფერო ფასი 100 მილიონი ევროდან 70 მილიონ ევრომდე შეამცირა.

"ხარების" პოზიციის შერბილებამ შესაძლოა 22 წლის თავდამსხმელის ტრანსფერის განხორციელებას შეუწყოს ხელი. ბენჯამინ შეშკო გერმანულ კლუბში 2023 წლის ზაფხულიდან ასპარეზობს.

მას შემდეგ თავდამსხმელმა 87 ოფიციალური მატჩი ჩაატარა, რომლებშიც 39 გოლი გაიტანა და 8 საგოლე გადაცემა გააკეთა თანაგუნდელებისთვის.