ინგლისური კლუბის "მანჩესტერ იუნაიტედის" კამერუნელი კარის დარაჯი ანდრე ონანა წინასასეზონო სავარჯიშო სესიების დროს დაშავდა. აღნიშნულის შესახებ ადგილობრივი გამოცემა The Telegraph იტყობინება.

გამოკვლევების შედეგად დადგინდა რომ ფეხბურთელმა მყესი დაიზიანა, 29 წლის ონანამ შესაძლოა 1-დან 2 თვემდე იუქმოს.

როგორც ჩანს, გუნდის ხელმძღვანელობა, რომელიც ახალი მეკარის აქტიურ ძებნას არ გეგმავდა, იძულებული იქნება, ძებნა დაიწყოს.

გასულ სეზონში ონანა, რომლის საბაზრო ღირებულება 25 მილიონი ევროა, მოედანზე 50 მატჩში გამოვიდა და 65 გოლი გაუშვა. მეკარეს მხოლოდ 11 მშრალი თამაში აქვს ჩატარებული გასულ სეზონში.