ემილიანო მარტინესმა დანამდვილებით იცის რა სურს, მსოფლიოს მოქმედ ჩემპიონს კარიერის „მანჩესტერ იუნაიტედში“ გაგრძელება ხიბლავს.

სპორტული ჟურნალისტი ბენ ჯეიკობსი იუწყება, რომ არგენტინელმა ნათლად განაცხადა სურვილი, ამ ზაფხულს "წითელ ეშმაკებში" გადასვლის თაობაზე.

"ასტონ ვილაში" ​​არ გამორიცხავენ თავიანთი ვარსკვლავის გაყიდვის შესაძლებლობას, თუმცა დაახლოებით 40 მილიონ ფუნტ სტერლინგს (თითქმის 47 მილიონ ევროს) მოითხოვენ.

"მანჩესტერ იუნაიტედს" საბოლოო გადაწყვეტილება ჯერ არ მიუღია - კლუბი, სავარაუდოდ, ახალ სეზონში ანდრე ონანაზე ფსონის დადებას ამჯობინებს. ემილიანო მარტინესი "ასტონ ვილაში" 2020 წლიდან თამაშობს. გასულ სეზონში 32 წლის მეკარემ უნაი ემერის გუნდის შემადგენლობაში ყველა ტურნირზე 53 მატჩი ჩაატარა და 61 გოლი გაუშვა.

Transfermarkt-ის პორტალი მსოფლიო ჩემპიონის ღირებულებას 20 მილიონ ევროდ აფასებს.