"მანჩესტერ იუნაიტედის" ხელმძღვანელობამ იტალიური "ატალანტას" მეკარე მარკო კარნეშეკი ანდრე ონანას პოტენციურ შემცვლელთა სიაში შეიყვანა.

გამოცემა Corriere della Sera - ს ცნობით, ინგლისური კლუბი სერიოზულად განიხილავს კამერუნელის გაყიდვას ამ ზაფხულს და ახალი მეკარის ძებნას.

"ატალანტა" ფეხბურთელის სანაცვლოდ მინიმუმ 40 მილიონის მიღებას ელის. 24 წლის კარნეშეკიმ გასულ სეზონში თავისი სტაბილურობით შთაბეჭდილება მოახდინა: 44 მატჩი, რომელთაგან 18-ში კარის მშრალად შენახვა მოახერხა.

კარნეშეკის კლუბთან კონტრაქტი 2028 წლის ზაფხულამდეა გათვლილი და "ბერგამოელები" მზადა არიან ფეხბურთელი მხოლოდ სერიოზული შეთავაზების შემთხვევაში გაუშვან.