"იუნაიტედი" თავდამსხმელის ძიებაშია, გიოკერესის შემდეგ მათ სიაში აქტიურად ვიქტორ ოსიმენიც ფიგურირებს.

The United Stand-ის ცნობით, "წითელი ეშმაკების" ხელმძღვანელობამ ნიგერიელს შეთავაზება თავისი პირობებით უკვე წარუდგინა.

ზემოხსენებული წყაროს ცნობით, ტრანსფერის განსახორციელებლად "მანჩესტერ იუნაიტედმა" ოსიმენის კლუბში გადმოსვლის სურვილი უნდა დაინახოს.

გარდა ამისა ნიგერიელმა ასევე უნდა შეამციროს სახელფასო მადა. შეგახსენებთ, რომ გასულ ზაფხულს ვიქტორი ლონდონის "ჩელსიში" სწორედ იმიტომ ვერ გადავიდა, რომ ძალიან მაღალ ხელფასს ითხოვდა.

გასულ სეზონში ოსიმჰენი "გალათასარაიში" ასპარეზობდა პირად მონაგარს კი თურქეთის ჩემპიონატში 25 გოლი შემატა.