იტალიური "ნაპოლის" თავდამსხმელი ვიქტორ ოსიმჰენი კვლავ "მანჩესტერ იუნაიტედის" ინტერესის საგანია.

ნიგერიელმა ცოტა ხნის წინ უარი თქვა საუდის არაბეთის "ალ-ჰილალში" გადასვლაზე და ევროპაში დარჩენა გადაწყვიტა. "gazzetta Dello sport - ის მიერ გავრცელებული ცნობით, "წითელი ეშმაკები" მზად არიან, დი ლაურიენტესის კლუბს საკუთარი თავდამსხმელი ჯოშუა ზირკზე შესთავაზონ ოსიმჰენის სანაცვლოდ.

ჯერჯერობით უცნობია, რამდენად არის იტალიური კლუბი დაინტერესებული ასეთი გარიგებით. 24 წლის ზირკზეს ღირებულება 30 მილიონ ევროს შეადგენს ხოლო 26 წლის ოსიმჰენის ღირებულება კი 75 მილიონი ევროა. დიდი ალბათობით ინგლისური მხარე ბარტერის შემთხვევაში ნეაპოლელებს გარკვეულ თანხასაც დაუმატებს.

გასული სეზონის დაწყებამდე "მანჩესტერ იუნაიტედმა" ნიდერლანდელი წინახაზელი იტალიური "ბოლონიადან" 42,5 მილიონ ევროს სანაცვლოდ შეიძინა.