ერიკ ტენ ჰაგისა და ენტონის გზები შესაძლოა ისევ გადაიკვეთოს. სპეციალისტს ფეხბურთელის წაყვანა ამჯერად გერმანიაში სურს.

ABC-ის ფურცლების ცნობით, ლევერკუზენის "ბაიერი" ინგლისურ გრანდს ბრაზილიელის სანაცვლოდ 40 მილიონი ევროს ოდენობით შეთავაზებას გაუკეთებს.

"წითელი ეშმაკები" მზად არიან, აღნიშნული თანხის სანაცვლოდ 25 წლის ვინგერს შეელიონ. შეგახსენებთ, რომ გერმანული კლუბის ახალი მთავარი მწვრთნელი ერიკ ტენ ჰაგი გახდა, რომელიც აქამდე "მანჩესტერ იუნაიტედში" მუშაობდა.

შეგახსენებთ, რომ ენტონიმ სეზონის მეორე ნახევარი "ბეტისში" იჯარის წესით გაატარა. შემტევმა ესპანური გუნდის შემადგენლობაში 26 მატჩი ჩაატარა, ცხრა გოლი გაიტანა და ხუთი საგოლე გადაცემა შეასრულა. Transfermarkt-ის ექსპერტები ფეხბურთელის ღირებულებას 20 მილიონ ევროდ აფასებენ.

"მანჩესტერის" გარდა ენტონის და ტენ ჰაგის საფეხბურთო ისტორია "აიაქსსაც" უკავშირდება სადაც სპეციალისტი და მოთამაშე ნიდერლანდული კლუბის ღირსებასაც იცავდნენ.