სეზონის ერთ - ერთმა უმთავრესმა აღმოჩენამ ვიქტორ გიოკერესმა შესაძლოა სულ მალე "მანჩესტერ იუნაიტედის" მაისური მოირგოს.

"წითელი ეშმაკების" დამრიგებელი რუბენ ამორიმი ფეხბურთელთან მოლაპარაკებებს პირადად აწარმოებს.

ჟურნალისტ ბენ ჯეიკობსის თქმით, "სპორტინგის" თავდამსხმელი თანახმაა კარიერა "ოლდ ტრაფორდზე" გააგრძელოს მიუხედავად იმისა, რომ "მანჩესტერელები" ჩემპიონთა ლიგაზე ვერ გავიდნენ.

ტრანსფერის მთავარი ფაქტორი და შემოქმედი რუბენ ამორიმის ფიგურაა. "მანჩესტერელთა" მწვრთნელი და შვედი თავდამსხმელი კარგად იცნობენ ერთმანეთს "ლისაბონში" უახლოეს წარსულში წარმატებული თანამშრომლობიდან.

კლუბებს შორის მოლაპარაკებები ოფიციალურ დონეზე ამ ეტაპზე არ წარმოებულა: მიზეზი გახლავთ ის, რომ ტრანსფერის გასაჩარხად ინგლისელებმა ჯერ რამდენიმე მოთამაშე უნდა გაასხვისონ.

თუმცა, "ლისაბონურ" კლუბს მკაფიო პოზიცია აქვს - პორტუგალიელები მზად არიან გიოკერესს დაახლოებით 70 მილიონი ევროს სანაცვლოდ შეელიონ.