ოთხშაბათს დილით, „ბარსელონას“ სპორტული დირექტორი დეკო თავდამსხმელ მარკუს რეშფორდის აგენტს საკუთარ სასტუმროში შეხვდა.

ესპანური გამოცემა Sport-ი თავის საინფორმაციო გვერდებზე ინფორმაციას ადასტურებს. დეკომ აქამდე ისაუბრა იმაზე, თუ როგორ მოსწონს "ბარსელონას" რეშფორდი და რომ გუნდს ამ ზაფხულს შეტევის გაძლიერება სჭირდება.

"კატალონიელები" ასევე დაინტერესებულნი არიან "ლივერპულის" შემტევით ლუის დიასით, თუმცა კოლუმბიელის დამატება გაცილებით რთული იქნება, ვიდრე რეშფორდის.

"მანჩესტერ იუნაიტედი" მზადაა 27 წლის რეშფორდი დაახლოებით 40 მილიონ ევროს სანაცვლოდ გაასხვისოს.

შეგახსენებთ, რომ 2024/2025 წლების სეზონის მეორე ნახევარში მარკუს რეშფორდი იჯარის წესით "ასტონ ვილას" რიგებში ირიცხებოდა.

უნდა გაიყიდოს თუ არა რეშფორდი?

დიახ

არა

ხმის მიცემა შედეგები