28-05-2025, 10:13

ავტორი: Svanchester,

ნანახია: 355,

კომენტარები: 1

ამორიმი: "ილოცე, რომ კლუბი იპოვო"

ფეხბურთელსა და მწვრთნელს შორის სიტუაცია დაიძაბა.

რუბენ ამორიმსა და ალეხანდრო გარნაჩოს შორის მდგომარეობა, რომ დაძაბულია ამას პრესაში გამოჟონილი სიტყვები მოწმობს.

კლუბიდან ვინგერის შესაძლო წასვლის შესახებ ჭორები კვლავ იზრდება. მოგეხსენებათ გასულ ოთხშაბათს, "წითელი ეშმაკები" ევროპა ლიგის ფინალში "ტოტენჰემთან" დამარცხდნენ. მატჩის შემდეგ გარნაჩო უკმაყოფილო გახლდათ, თუ რატომ არ დაიკავა მან სასტარტო შემადგენლობაში ადგილი.

ჟურნალისტ ნათან სოლტის თქმით, მწვრთნელმა მოგვიანებით ფეხბურთელს გასახდელში საკმაოდ დაძაბული ფრაზით მიმართა: "ჯობია ილოცო, რომ არსებობდეს კლუბი, რომელსაც შენი გაფორმება სურს",- განუცხადა ამორიმმა გარნაჩოს

არგენტინელი შემტევის კონტრაქტი "მანჩესტერ იუნაიტედთან" 2028 - წლამდეა გათვლილი. 20 წლის მოთამაშით იტალიური "ნაპოლი" და ლონდონის "ჩელსი" ინტერესდებიან.