მოახლოებულ ზაფხულში მადრიდის "ატლეტიკო" იმ შემთხვევაში, თუ რადამელ ფალკაოს დაკარგავს, შეეცდება შეიძინოს "მანჩესტერ იუნაიტედის" ფორვარდი ხავიერ ერნანდესი.
ფალკაოს ჟურნალისტები "სიტის", "ჩელსის" და "რეალს" აქტიურად უკავშირებენ. დიდი ალბათობით სეზონის ბოლოს კოლუმბიელი გოლეადორი გუნდს დატოვებს.
როგორც იტყობინება talkSPORT ფალკაოს ტრანსფერი თუ შედგა, "ატლეტიკო" მიღებული ფულით "იუნაიტედის" 24 წლის ფორვარდის ჩიჩარიტოს გადმობირებას შეეცდება, რომელიც ძალიან დიდ კონკურენციაში იმყოფება უეინ რუნის, რობინ ვან პერსის და დენი უელბეკთან ერთად.
ასევე გავრცელდა ინფორმაცია, რომ ჩიჩარიტოს ალტერნატივად მადრიდელები "პორტუს" თავდამსხმელ ჯექსონ მარტინეზს მოისაზრებენ, რომელიც ფალკაოს თანაგუნდელია.