გუშინ, 20:59

ავტორი: Svanchester,

ნანახია: 163,

კომენტარები: 1

"ალ ჰილალი" არ ნებდება

მსუყე შეთავაზება ბრუნოს.

არაბულ "ალ-ჰილალში" კვლავ იმედოვნებენ, რომ გადმოიბირებენ "მანჩესტერ იუნაიტედის" ნახევარმცველს, ბრუნო ფერნანდეშს.

როგორც უკვე დაიწერა, საუდის არაბეთის გრანდმა "წითელი ეშმაკების" კაპიტანს მსუყე ანაზღაურებადი კონტრაქტი შესთავაზა, თუმცა ფეხბურთელი ტრანსფერით არ არის დაინტერესებული.

ამის მიუხედავად, UtdDistrict-ის მიერ გაჟღერებული ინფორმაციით, რომელიც საუდის არაბეთიდან წყაროებზე დაყრდნობით იუწყება, "ალ-ჰილალის" ხელმძღვანელობა კიდევ ერთ შეხვედრას გამართავს ფერნანდეშის აგენტებთან, მიუხედავად მისი უარისა.

კლუბის წარმომადგენლები გეგმავენ, დეტალურად განიხილონ შესაძლო ტრანსფერის ყველა საკითხი, მათ შორის ფინანსური პირობები და საცხოვრებელი.

შეგახსენებთ, რომ ფერნანდეშს კონტრაქტი "მანჩესტერ იუნაიტედთან" 2027 წლის ზაფხულამდე აკავშირებს.

ჭორები

1 კომენტარი