"ნაპოლის" თავდამსხმელი ვიქტორ ოსიმჰენი, რომელიც იჯარის წესით თურქულ "გალათასარაიში" ასპარეზობს, "მანჩესტერ იუნაიტედის" პრიორიტეტულ სამიზნეს წარმოადგენს.

როგორც ცნობილი გამოცემა Mirror-ი იუწყება, "წითელი ეშმაკების" მთავარმა მწვრთნელმა, რუბენ ამორიმმა პირადად მოითხოვა ოსიმჰენის დამატება.

წყაროს ინფორმაციით, "ოლდ ტრაფორდელებს" ტრანსფერის განხორციელების ძალიან კარგი შანსი აქვთ, რადგან ლონდონის "ჩელსი" ბრძოლას გამოეთიშა.

მიმდინარე სეზონში 26 წლის ნიგერიელმა 35 მატჩი ჩაატარა ყველა ტურნირზე ერთადაღებული, გაიტანა 30 გოლი და მიითვალა 7 საგოლე გადაცემა.

Transfermarkt-ის მონაცემებით, ოსიმჰენის სატრანსფერო ღირებულება 70 მილიონ ევროს შეადგენს.