პორტუგალიური "პორტუს" მეკარე დიოგო კოშტამ შესაძლოა კარიერა "მანჩესტერ იუნაიტედში" გააგრძელოს. აღნიშნულის შესახებ GiveMeSport იუწყება.

წყაროს მიერ გაჟღერებული ცნობის თანახმად, პორტუგალიელი მეკარე ინგლისური გრანდის ერთ ერთი გამორჩეული სამიზნეა, "წითელი ეშმაკები" 25 წლის ფეხბურთელის შეძენას მომავალ სატრანსფერო ფანჯარაში ეცდებიან.

აღსანიშნავია, რომ ფეხბურთელის ამჟამინდელი კონტრაქტი მის ამჟამინდელ კლუბთან შეიცავს გამოსყიდვის პუნქტს.

მანამდე გავრცელდა ინფორმაცია, რომ კოშტას მიმართ მჭიდრო ინტერესს ასევე იჩენენ "მანჩესტერ სიტი" და ლონდონის "არსენალი".

მიმდინარე სეზონში მეკარემ ყველა ტურნირზე 37 მატჩი ჩაატარა, 38 გოლი გაუშვა და 17-ჯერ შეძლო კარის ხელუხლებლად შენარჩუნება.