ინგლისელ ნახევარმცველს მეისონ მაუნტს, რომელიც "მანჩესტერ იუნაიტედის" ღირსებას არცთუ ისე სტაბილურად იცავს, კარიერის იტალიის ჩემპიონატში გაგრძელების შესაძლებლობა აქვს.

აღნიშნულის შესახებ პორტალი Todofichajes-ის საინფორმაციო გვერდები იტყობინება.

26 წლის ფეხბურთელის ტრანსფერით მილანის "ინტერია" დაინტერესებული, "ნერაძურის" გუნდის ნახევარდაცვის გაახალგაზრდავება სურს.

მილანური კლუბი ხელშეკრულებას იჯარის წესით ამზადებს თუმცა საბოლოო შესყიდვის ოფციაც იქნება გათვალისწინებული.

ინგლისელის სატრანსფერო ღირებულება 32 მილიონ ევროდ არის შეფასებული. მისი კონტრაქტი "წითელ ეშმაკებთან" 2028 წლის შუა რიცხვებამდეა გათვლილი.

პრემიერ ლიგის მიმდინარე სეზონში მეისონმა რვა მატჩი ჩაატარა უგოლოდ.