"მანჩესტერ იუნაიტედის" ცენტრალურმა მცველმა, ლენი იორომ, რუბენ ამორიმთან მუშაობის შესახებ ისაუბრა.

ფრანგი ფეხბურთელი "წითელ ეშმაკებს" ზაფხულში შეუერთდა, ხოლო პორტუგალიელი მწვრთნელი ნოემბერში დაინიშნა.

"ვიტყოდი, რომ ჩვენ ძალიან მძიმე ვარჯიშები გვაქვს, მაგრამ ეს მნიშვნელოვანია. დატვირთული სესიები გვაქვს, და ამორიმისთვის ეს პროცესი ძალიან მნიშვნელოვანია – როგორც ვარჯიშობ, ისე თამაშობ.

მთავარია, მაქსიმალურად დაიხარჯო და შენი შესაძლებლობები გამოავლინო. თუ ვარჯიშებზე საკმარისად არ მუშაობ, ზარმაცი ხარ, ამორიმს არ მოეწონები – ის უბრალოდ მოგკლავს" – თქვა იორომ რიო ფერდინანდის პოდკასტში.

პარასკევს "მანჩესტერ იუნაიტედი" საკუთარ მოედანზე "ლესტერს" ინგლისის თასის მატჩში დაუპირისპირდება.

შეხვედრა თბილისის დროით 23:59 საათზე 7 თებერვალს დაიწყება.