"მანჩესტერ იუნაიტედის" მარცხენა მცველმა ლუკ შოუმ გამოჯამრთელების შემდეგ კვლავ მორიგი ტრავმა მიიღო. ამის შესახებ UTD Menace იტყობინება.

წყაროს ცნობით, 29 წლის ფეხბურთელს დაახლოებით ოთხი კვირა გაუცდება. აღსანიშნავია, რომ ინგლისელისთვის ეს უკვე მესამე ტრავმაა მიმდინარე სეზონში.

შოუმ ამ სეზონში მხოლოდ სამი მატჩი ჩაატარა. მცველს "მანჩესტერ იუნაიტედთან" კონტრაქტი 2027 წლის ზაფხულამდე აკავშირებს.

შეგახსენებთ რომ "წითელი ეშმაკები" "ლესტერს" 7 თებერვალს უმასპინძლებს. ინგლისის ასოციაციის თასის მერვედფინალური მატჩი თბილისის დროით 23:59 სთ-ზე დაიწყება.