"მანჩესტერული" კარიერა დასასრულს უახლოვდება, კაზემირო მზადაა ახალი გამოწვევების მისაღებად, როგორც ჩანს ტრანსფერი ზამთრის მიმდინარე სატრანსფერო ფანჯარაში განხორციელდება.

როგორც იტყობინება ცნობილი გამოცემა Sky Sports, 32 წლის ბრაზილიელის გადაბირებით იტალიური "რომა" ინტერესდება.

სერია A-ს ბინადარი კლუბი ფეხბურთელის თაობაზე სულ მალე მოამზადებს შეთავაზებას. ამასთან, აღინიშნება, რომ "მანჩესტერ იუნაიტედი" მზადაა მიიღოს კაზემიროს იჯარით გასხვისების გადაწყვეტილებაც, თუმცა კლუბი უპირატესობას ანიჭებს სრული გაყიდვის ვარიანტს.

ამ დროისთვის კონკრეტული წინადადებები არ არის. სავარაუდოდ, "რომა" ნახევარმცველს იჯარის ხელშეკრულებით აიყვანს.

2024/2025 წლების სეზონში კაზემირომ ჩაატარა 22 მატჩი, სადაც გაიტანა 3 გოლი. Transfermarkt მოთამაშეს 12 მილიონ ევროდ აფასებს.