22 წლის გარემარბმა ამად დიალომ "მანჩესტერ იუნაიტედთან" ახალი კონტრაქტი გააფორმა. ამის შესახებ "წითელი ეშმაკების" პრეს-სამსახური იტყობინება.

კოტ'დივუარელის კონტრაქტი ინგლისურ გიგანტთან 2030 წლის ივნისის ბოლომდეა ძალაში. შეგახსენებთ, რომ დიალო "მანჩესტერის" ფეხბურთელი 2021 წლის იანვარში გახდა.

მიმდინარე სეზონში მან მონაწილეობა მიიღო 28 მატჩში, ყველა ტურნირის ჩათვლით, გაიტანა ექვსი გოლი და 7 საგოლე გადაცემაც გააკეთა.

Transfermarkt-ის პორტალის ინფორმაციით, დიალოს ღირებულება 25 მილიონი ევროა.

12 იანვარს რუბენ ამორიმის შეგირდები ინგლისის თასის 1/32 ფინალში სტუმრად "არსენალს" დაუპირისპირდებიან. მატჩი სტარტს თბილისის დროით 19:00 საათზე აიღებს.