"მანჩესტერ იუნაიტედის" მთავარი მწვრთნელი ერიკ ტენ ჰაგი უახლოეს მომავალში არ გათავისუფლდება. ასეთია მიღებული გადაწყვეტილება.

ცოტა ხნის წინ კლუბის ხელმძღვანელებმა შეხვედრა გამართეს, სადაც ნიდერლანდელი მწვრთნელის მომავალზე იმსჯელეს, თუმცა გადაწყვეტილება ერთსულოვანი არ ყოფილა.

სპეციალისტს დაკავებული თანამდებობიდან არ გაათავისუფლებენ საერთაშორისო სანაკრებო შესვენების დასრულებამდე.

ამ დროისთვის "მანჩესტერ იუნაიტედი" პრემიერ ლიგის სატურნირო ცხრილში მე-14 ადგილზეა. ევროპა ლიგაზე კი "წითელი ეშმაკები" ორი ტურის შემდეგ მოპოვებული ორი ქულით საერთო რეიტინგში 21-ე ადგილზე იმყოფებიან.

ფაბრიციო რომანო ასევე იუწყება ინფორმაციას, რომლის თანახმადაც, იმ შემთხვევაში თუ მენეჯერი კლუბს დატოვებს მას გერმანელი სპეციალისტი ტომას ტუხელი ჩაანაცვლებს.