"მანჩესტერ იუნაიტედის" მარჯვენა მცველი ნოსერ მაზრაუი მომდევნო ორი თვის განმავლობაში მოედანზე გასვლას ვერ შეძლებს.

United HQ იტყობინება, რომ მაროკოელ მცველს გულის არითმიის დიაგნოზი დაუსვეს. შეგახსენებთ, რომ მაზრაუი სეზონის სტარტზე "მანჩესტერ იუნაიტედის მთავარი მარჯვენა მცველი გახლდათ, ამიტომ ერიკ ტენ ჰაგის გუნდს მაროკოელის შეცვლა გაუჭირდება.

სავარაუდოდ, ნოსერს ორ თვეზე მეტის გაცდენაც კი მოუწევს. მაზრაუიმ "მანჩესტერ იუნაიტედთან" კონტრაქტი გასულ ზაფხულს გააფორმა.

უკანახაზელი მცველი ერიკ ტენ ჰაგის გუნდში მიუნხენის "ბაიერნი"- დან გადაბარგდა. მწვრთნელსა და ფეხბურთელს შორის პროფესიული საქმიანობა აქამდე ამსტერდამის "აიაქსში" შედგა.