"მანჩესტერ იუნაიტედის" მთავარმა მწვრთნელმა ერიკ ტენ ჰაგმა იცის, რომ თუ მომდევნო ორი მატჩი წარმატებული არ იქნება ეს ყველაფერი გადაწყვეტს მის ბედს კლუბში.

ნიდერლანდელმა განაცხადა, რომ კლუბის მენეჯერები მას კვლავ უჭერენ მხარს თუმცა ამასთან ერთად მას ზემოაღნიშნულის შესახებაც განუცხადეს. ამის შესახებ Transfer News Live - Mirror - ზე დაყრდნობით ავრცელებს ინფორმაციას.

ხუთშაბათს, 3 ოქტომბერს, ევროპა ლიგის მატჩში "მანჩესტერ იუნაიტედი" "პორტუს" დაუპირისპირდება ხოლო "წითელი ეშმაკები" პრემიერ ლიგის მატჩში "ასტონ ვილასთან" კვირას, 6 ოქტომბერს გამართავენ დაპირისპირებას.

შეგახსენებთ, რომ "მანჩესტერ იუნაიტედი" ინგლისის პრემიერ ლიგის სატურნირო ცხრილში მე-13 ადგილზე იმყოფება.