"მანჩესტერ იუნაიტედის" ნახევარმცველმა მეისონ მაუნტმა გუნდთან ერთად ვარჯიში განაახლა. ფაბრიციო რომანოს მიერ გავრცელებული ინფორმაციით, ინგლისელმა ტრავმა მოიშუშა და ვარჯიში საერთო შემადგენლობაში განაახლა.

შეგახსენებთ, რომ სეზონის სტარტზე მაუნტმა მცირე ტრავმა მიიღო, რის შემდეგაც რამდენიმე კვირით ის სამედიცინო შტაბის მეთვალყურეობის ქვეშ მოექცა.

ნახევარმცველს რა თქმა უნდა ცოტა დრო დასჭირდება ფორმის აღსადგენად და შემადგენლობაში დასაბრუნებლად.

მაუნტი "მანჩესტერ იუნაიტედში" 2023 წლის ზაფხულში ლონდონის "ჩელსი"- დან 65 მილიონ ევროს სანაცვლოდ გადაბარგდა.

სადებიუტო სეზონში გუნდთან ერთად მან ინგლისის ასოციაციის თასის მოგება მოახერხა. თუმცა, მეისონმა "მანჩესტერული" კარიერის უმეტესი ნაწილი ტრავმების გამო ლაზარეთში გაატარა ვიდრე მოედანზე.


წყარო: euro-football