"მანჩესტერ იუნაიტედის" მთავარ მწვრთნელს, ერიკ ტენ ჰაგს გუნდში "ბავარიელთა" ნიდერლანდელი მცველის მატიას დე ლიხტის დამატება სურს.

შეგახსენებთ, რომ დე ლიხტსა და ტენ ჰაგს ერთად მუშაობის გამოცდილება აქვთ, მენეჯერი და ფეხბურთელი უწინ ამსტერდამის "აიაქსს" წარმოადგენდნენ.

CaughtOffside-ის ცნობით, "ბაიერნს" 24 წლის დე ლიხტის სანაცვლოდ დიდი თანხის მიღება სურს - 70 მილიონი ევრო - ციფრი ესე გამოიყურება. თუმცა, "მანჩესტერ იუნაიტედს" უკანახაზელი ფეხბურთელის შეძენის სანაცვლოდ ამ თანხის მხოლოდ ნახევარი აქვს მზად.

2023/2024 წლების სეზონში ცენტრალურმა მცველმა "მიუნხენურ" გრანდში 30 ოფიციალური მატჩი ჩაატარა, რომელშიც ორი გოლი გაიტანა და პარტნიორს ერთი საგოლე გადაცემა გაუკეთა. ნიდერლანდელი "ბაიერნში" 2022 წლის ზაფხულიდან ასპარეზობს.