კლუბის მენეჯმენტმა სეზონის საერთო ანალიზი ჩაატარა, გადახედილ იქნა ყველა დეტალი, განვლილ მატჩებს საერთო შეფასება ჩაუტარდათ და შესაბამისად გადაწყვეტილებაც მიღებულ იქნა.

"წითელმა ეშმაკებმა" ნიდერლანდელი სპეციალისტის გათავისუფლება გადაწყვიტეს. კლუბში თვლიან რომ ერიკ ტენ ჰაგი შანსს აღარ იმსახურებს.

აღნიშნულის შესახებ ინფორმაცია ორმა ჟურნალისტმა გაავრცელა, სემ მოკბელმა Daily Mail- იდან და ფრეიზერ ფლეტჩერმა TEAMtalk- იდან.

ერიკი გუნდის მესაჭის როლს ორი სეზონის განმავლობაში ასრულებდა, ამ ხნის მანძილზე მისმა გაწვრთნილმა "იუნაიტედმა" ორი ტიტული - ინგლისის ასოციაციის თასი და ინგლისის ლიგის თასი მოიგო.

ამჟამად უკვე დასრულებულ ინგლისის ჩემპიონატის სეზონში "მანჩესტერმა" მეტად არასახარბიელო შედეგი მერვე ადგილი დააფიქსირა.