პრესაში აქტიურად ჩნდება სხვადასხვა სახის ინფორმაცია "მანჩესტერ იუნაიტედის" მესაჭის ერიკ ტენ ჰაგის მომავლის შესახებ.

The Guardian იტყობინება, რომ ნიდერლანდელი აუცილებლად დარჩება თავის პოსტზე მინიმუმ სეზონის ბოლომდე.

წყარო აღნიშნავს, რომ მან შთაბეჭდილება მოახდინა "წითელი ეშმაკების" ახალ მფლობელზე, ჯიმ რეტკლიფზე.

მწვრთნელის მომავალზე გადაწყვეტილება სეზონის ბოლოს მიიღება. ამავდროულად, რეტკლიფმა იცის, რომ მენეჯერის შეცვლის შემთხვევაში, ახალი, კლუბის შესაფერისი სპეციალისტის პოვნა რთული ამოცანა და ახალი თავსატეხი იქნება.

"მანჩესტერ იუნაიტედი" პრემიერ ლიგის სატურნირო ცხრილში მეექვსე ადგილზეა. შეგახსენებთ, რომ ტენ ჰაგის გუნდი გასულ კვირას FA თასის ნახევარფინალში გავიდა.