"ასტონ ვილასთან" გამარჯვების შემდეგ სკოტ მაკტომინაიმ ჟურნალისტებს ესაუბრა და საკუთარი ემოციებიც გააზიარა.

შოტლანდიელმა ფეხბურთელმა შეხვედრის 86-ე წუთზე გამარჯვების გოლი გაიტანა, რამაც "წითელ ეშმაკებს" მნიშვნელოვანი სამი ქულის მოპოვების საშუალება მისცა.

"ჩვენ კარგად დავიწყეთ, თუმცა "ასტონ ვილა" შესანიშნავი გუნდია. მეტოქე თამაშს დაუბრუნდა და პრობლემები შეგვიქმნა. ჩვენი მცველები - განსაკუთრებით ჰარი მაგუაირი და რაფაელ ვარანი - დღეს ძალიან კარგები იყვნენ.

შესანიშნავი თამაში და დამსახურებული გამარჯვება. გამარჯვების გოლი? ეს გუნდის გამარჯვებაა და არა პირადად ჩემი.

მე უბრალოდ მინდა მოედანზე გავიდე და ყველაფერი გავაკეთო გუნდის გამარჯვებისთვის, სანამ კარგ ფორმაში ვარ. იმედი მაქვს, ეს რაც შეიძლება დიდხანს გაგრძელდება", - განუცხადა მაკტომინაიმ Sky Sports-ს.