"მანჩესტერ იუნაიტედის" ყოფილმა, ლეგენდარულმა ფეხბურთელმა და ამჟამად საფეხბურთო ექსპერტმა როი კინმა ბოლო მატჩებში რასმუს ჰოილუნის გამოსვლებზე ისაუბრა და მის მიმართ საქებარი სიტყვებიც არ დაიშურა.

21 წლის ფეხბურთელმა გუშინ, პრემიერ ლიგის მატჩში "ასტონ ვილას" პირადი აქტივის მორიგი გოლი გაუტანა და გუნდის გამარჯვებაში ლომის წვლილი შეიტანა.

აღსანიშნავია, რომ დანიელმა ფეხბურთელმა ჩემპიონატის ზედიზედ ხუთ მატჩში გამოიჩინა თავი.

"მე მჯერა, რომ ყოველთვის, როცა ის მოედანზე გადის, ფიქრობს: "მანჩესტერ იუნაიტედისთვის" გოლის გატანას ვაპირებ". კარგ ფორმაში ჩადგა. მწვრთნელი იძულებული იყო ყველა მატჩში მისი იმედი ჰქონოდა და ამან შედეგი გამოიღო.

რასმუსს შინაგანად ეს სიმხურვალე აწვება, მას თვეები დასჭირდა აქამდე მისასვლელად. ის საბოლოოდ დასახლდა და დარწმუნებულია თავის თავში",- განუცხადა კინმა Sky-ს.