მორიგი პრემიერლიგური გამარჯვების შემდეგ, "იუნაიტედის" დამრიგებელმა ჟურნალისტებისთვის მიცემულ ინტერვიუში საინტერესო საკითხებზე ისაუბრა.

"ჩვენ გვაქვს მაღალი პოტენციალი. თუ ამ პროცესს გავაგრძელებთ, დარწმუნებული ვარ, რომ მაღალ დონეს მივაღწევთ.

ვაშენებთ გუნდს, ვაფორმებთ ახალგაზრდა ფეხბურთელებს და ვაძლევთ მათ შესაძლებლობებს.

ეს არის პროცესი რომელიც აღმავლობითა და ვარდნით ხასიათდება და ეს უნდა გავაცნობიეროთ.

ჩვენ ასევე გვჭირდება გამოცდილი მოთამაშეები, რათა დავეხმაროთ ახალგაზრდა მოთამაშეებს უკეთესად წარმართონ მათი პროცესები.

რაც შეეხება მატჩს, ეს არ იყო ადვილი შეხვედრა, რადგან "ვესტ ჰემი" კარგი გუნდია.
მნიშვნელოვანი გამარჯვება მოვიპოვეთ.
ბოლო თვეებში არაერთხელ ვთქვი, რომ "მანჩესტერ იუნაიტედს" ძალიან ნათელი მომავალი ელის.

ნამდვილად მაღალი პოტენციალი გვაქვს, შეგვიძლია ვითამაშოთ რბილად და საჭიროების შემთხვევაში ავაჩქაროთ ტემპი და კარგად დავიცვათ თავი. დღევანდელმა გოლებმა მაღალი პოტენციალის მქონე ახალგაზრდა ფეხბურთელები გამოაჩინეს.

ისინი ეჩვევიან პრემიერ ლიგის სტანდარტებს.
ყოველი თამაშით ისინი იზრდებიან და იხვეწებიან, ადაპტირდებიან უფრო მაღალ დონეზე. როდესაც მოთამაშეები სარგებლობენ თამაშით, თავდაჯერებულობა მოდის. ჩვენ ვხედავთ, რომ იზრდება ნდობა.
მომეწონა გუნდის ზეიმი. ეს იმაზე მეტყველებს, რომ ჩვენ ერთიანი გუნდი ვართ",- აცხადებს დასასრულს ტენ ჰაგი.