მიუხედავად იმისა, რომ 2013 წლის შემდეგ "წითელ ეშმაკებს" სერიოზული ჩავარდნები აქვთ და თუ არ ჩავთვლით რამოდენიმე მეორეხარისხოვან ტიტულებს კლუბი დიდ ვარდნას განიცდის, ინგლისური გრანდი საფეხბურთო სამყაროში თავის წონას არ კარგავს.

ავტორიტეტული ჟურნალის Four Four Two-ს გვერდებზე კიდევ ერთი საინტერესო რეიტინგი გამოქვეყნდა.

ამჯერად დასახელდნენ მსოფლიოს უდიდესი საფეხბურთო კლუბები ყველა დროის თვალსაზრისით.

აღნიშნულ რეიტინგში პირველ ადგილზე მადრიდის "რეალი" გახლავთ, რომელიც ყველაზე ხშირად იგებს ჩემპიონთა ლიგას და აქვს ფართო გულშემატკივართა ბაზა მთელს მსოფლიოში.

მეორე ადგილზე ასევე ესპანური გრანდი და კიდევ ერთი გიგანტი "ბარსელონაა". საუკეთესო სამეულს კი ინგლისელთა ლეგენდარული კლუბი "მანჩესტერ იუნაიტედი" ასრულებს, აღსანიშნავია, რომ კლუბი სერ ალექს ფერგიუსონის პენსიაზე გასვლის შემდეგ ევროპულ მწვერვალებს ვერ დაუბრუნდა.

ტოპ 10-ში ასევე შედან "ბაიერნი" (4), "ლივერპული" (5), "იუვენტუსი" (6), "მილანი" (7), "მანჩესტერ სიტი" (8), "ჩელსი" (9) და "ინტერი" (10).