ერიკ ტენ ჰაგსა და ჯეიდონ სანჩოს შორის ურთიერთობა კრიტიკულ ზღვარზე რომაა მისული ეს ახალი ინფორმაცია არ გახლავთ, სპორტული პრესა ჯეიდონს გუნდის დატოვებას უწინასწარმეტყველებს თუმცა შესაძლოა ვითარება რადიკალურად შეიცვალოს.

ერიკ ტენ ჰაგის შეგირდების ბოლოდროინდელი სახე და ზოგადად მიმდინარე სეზონის მათი შედეგები ნამდვილად არასახარბიელოა.

დაიძრა ხმები თითქოს იმის შესახებაც, რომ შესაძლოა ერიკ ტენ ჰაგის სკამს წყალი შეუდგეს.

ამ ყველაფერს კი აქტიურად კულისებიდან თვალს ჯეიდონ სანჩო ადევნებს, რომელიც ზემოაღნიშნული ვითარების განვითარების შემთხვევაში შესაძლოა "ოლდ ტრაფორდზე" დარჩენა დიდი ხნით გადაწყვიტოს. ინფორმაციას ჟურნალისტი ფლორიან პლატენბერგი ავრცელებს.

ამ ეტაპზე ფეხბურთელის მომავალს რაც შეეხება, თავდამსხმელის შეძენას არენდის წესით ტურინის "იუვენტუსი" გეგმავს.

დიდი ალბათობით თუ ერიკ ტენ ჰაგი გუნდიდან არ განთავისუფლდება სანჩო ზმათრის სატრანსფერო ფანჯრის გახსნისთანავე კლუბს დატოვებს.