ერიკ ტენ ჰეგმა "ბრენტფორდთან" მომავალი პრემიერლიგური დაპირისპირების წინ გამართუო პრესკონფერენციაზე ჟურნალისტების შეკითხვებს უპასუხა რომელსაც ქვემოთ შემოგთავაზებთ

მთავარი პრობლემის შესახებ

მთავარი პრობლემა, რაც ხელს გვიშლის, სტაბილურობის ნაკლებობაა. ყველაფერს სწორად ვაკეთებთ მატჩების დიდი მონაკვეთისთვის, მაგრამ არის შემთხვევები, როცა ყველაფერი არასწორედ მიდის და შედეგი ძვირად გვიჯდება. ჩვენ უნდა გავაგრძელოთ სწორი მიდგომებით მოქმედება, ოღონდ ეს ყველაფერი საჭიროა, რომ ვაკეთოთ თანმიმდევრულად მთელი თამაშის განმავლობაში.

დიახ, ადვილი არ არის ყველაფრის ერთდროულად გამოსწორება, მაგრამ ამაზე ვმუშაობთ და ვერკვევით მიზეზებში. ვსაუბრობთ, განვიხილავთ რა უნდა გავაკეთოთ იმისათვის, რომ საბოლოოდ თამაში დაიწყოს და დასრულდეს ისე როგორც გვსურს, ერთზე მეტი ფაქტორია დამნაშავე იმაში თუ რა გადაგვხდა თავს, მაგრამ მთავარია კონცენტრაციის შენარჩუნება.

გუნდის შემადგენლობის შესახებ

რეგილონი ჯერ არ არის მზად ხვალ სათამაშოდ, მაგრამ ენტონი მზადაა სასტარტო შემადგენლობაში გამოვიდეს.

რაშფორდის შესახებ

ფორვარდები, როდესაც ისინი გოლს ვერ იტანენ, მათ მხოლოდ ერთი მომენტი სჭირდებათ, რომ გვალვას თავი დააღწიონ.
მარკუსი გამოცდილი მოთამაშეა და სწორ საქმეებს აკეთებს, ისევე როგორც დანარჩენი გუნდი. ეს მომენტი აუცილებლად დადგება და ის აუცილებლად დაიწყებს გატანას!

სასტარტო შემადგენლობაში ცვლილებების შესახებ

თითქმის ყველა თამაშში გვიწევს ცვლილებების შეტანა. გუნდურად ვუშვებთ შეცდომებს და მოწინააღმდეგე ამით სარგებლობს, ამიტომ ყველა ერთ მხარეს უნდა ვიყოთ. ჩვენ გვჭირდება მკაფიო კომუნიკაცია, ორგანიზებულობა და წესრიგი.

სტანდარტების დაწევაზე

ჩვენი სტანდარტები დაეცა და ჩვენ კვლავ უნდა დავუბრუნდეთ ამ დონეებს. რა თქმა უნდა, ამ კლებას აქვს მიზეზები, მაგრამ არ უნდა მივიღოთ რაიმე საბაბი და ვებრძოლოთ მას. გვაქვს კარგი საფუძველი, გვაქვს სტანდარტები, გვაქვს პრინციპები. ახლა ერთმანეთის მხარდაჭერა გვჭირდება, დავეხმაროთ ერთმანეთს და აუცილებლად უკეთ ვითამაშებთ.

კიდევ ერთხელ რაშფორდის შესახებ

აღმასვლა და დაცემა ნორმალურია, ყოველთვის ერთსა და იმავე დონეს ვერ შეინარჩუნებ. ყველამ იცის, რისი გაკეთება შეუძლია, მათ შორის ჩვენმა მეტოქეებმაც, მაგრამ თუ რეში ყველაფერს სწორად გააკეთებს, გუნდი ყველაფერს სწორად გააკეთებს და სწორ პოზიციებზე დააყენებს, მაშინ ყველაფერი კარგად იქნება. "მანჩესტერ იუნაიტედში" მას ყველა მხარს უჭერს, გუნდს სჯერა მისი, ასე რომ ყველაფერი კარგად იქნება, დარწმუნებული ვარ.

ასევე, მატჩის წინ ერიკ ტენ ჰაგმა მხარი დაუჭირა "მანჩესტერ იუნაიტედის" საქველმოქმედო ფონდის აქციას, რომელიც ცივი ამინდის დადგომის მოლოდინში აგროვებს თბილ ტანსაცმელს გაჭირვებულთათვის. მენეჯერმა ფონდს თავისი ზამთრის ქურთუკი აჩუქა.

”ვფიქრობ, მნიშვნელოვანია, რომ ჩვენ, როგორც საზოგადოებამ მხარი დაუჭიროს ყველას და გავუზიაროთ მათ დახმარება, ვისაც ეს სჭირდება. ვიმედოვნებ, რომ ეს აქცია წარმატებული იქნება და ფართო მხარდაჭერას მოიპოვებს",- აცხადებს დასასრულს ტენ ჰაგი.