დღეს თბილისის დროით 23:00 სთ-ზე პრემიერ ლიგის მეექვსე ტურში "მანჩესტერ იუნაიტედი" ვინსენტ კომპანის "ბარნლის" დაუპირისპირდება.

ტრადიციულად, წინასამატჩო პრსეკონფერენციაზე ჟურნალისთების მიერ დასმულ შეკითხვებს ერიკ ტენ ჰაგმა უპასუხა რომელსაც ქვემოთ შემოგთავაზებთ.

გუნდის შემადგენლობის შესახებ

ვარჯიშის შემდეგ განვიხილავთ ჰარი მაგუაირის მდგომარეობას. ვარანიც ვარჯიშობს, ამრაბატიც, მაუნტიც იგივე პროცესებს გადის, შედეგებს შევაჯამებთ. თუმცა არ უნდა დაგვავიწყდეს, რომ ყველა მათგანს დიდი ხანია არ უთამაშია. ამ დროისთვის ვარანი დაბრუნებასთან ყველაზე ახლოსაა.

სანჩო კვლავ ითამაშებს თუ არა იუნაიტედში?

ყველაფერი მასზეა დამოკიდებული. ამ ეტაპზე მხოლოდ მატჩისთვის ვემზადებით და მხოლოდ მასზე ვაკეთებთ აქცენტს. ის ამ მატჩისთვის სასტარტო შემადგენლობაში არ იქნება.

გაგიკვირდათ იმ სირთულეების მოულოდნელობა, რაც შეგხვდათ?

არა. ეს ჩემი მეორე წელია ამ კლუბში და ვიცი, რომ არ შეიძლება იყოს ერთი გაუთავებელი აღმართი, იქნება დაღმასვლაც. მაგრამ სირთულეები გაძლიერებს და თუ ყველანი ერთად იქნებით, მხოლოდ გაძლიერდებით. სწორედ ამას ვაპირებთ.
ჩვენ ყველანი ვართ ერთად - გასახდელში, სამწვრთნელო შტაბი, ექიმები, კლუბის სხვა თანამშრომლები - ყველანი ერთიანი ვართ და მზად ვართ ვიბრძოლოთ.

ჭორები გასახდელში უთანხმოების შესახებ

არ ვიცი, საიდან გაქვთ ასეთი ინფორმაციული გაჟონვა, მაგრამ მე ვიცნობ ჩემს მოთამაშეებს და ვიცი მათი მოსაზრებები. ყველას შეუძლია ნებისმიერი წინადადების გაკეთება განსახილველად, ამ მხრივ არანაირი პრობლემა არ გვაქვს. ჩვენ ერთი მიზანი გვაქვს - "იუნაიტედმა" ყველა მატჩი უნდა მოიგოს, ამიტომ ეს არ ცვლის არსს. წინ რთული მატჩი გველის, თუმცა პრემიერლიგაში იოლი არ არის არცერთი შეხვედრა.

"ბარნლის" შესახებ

ვიცით, რა ინტენსიურ ფეხბურთს თამაშობენ.
ჩვენ ვიცით მათი მიდგომა და პირადად მე მომწონს ეს მიდგომა. თამაშში არის ინტენსივობა და დინამიკა, ამიტომ მაქსიმალურად ხარისხობრივად უნდა ვითამაშოთ",- აცხადებს დასასრულს ტენ ჰაგი