რასმუს ჰოილუნდის ტრანსფერის გაოფიციალურების შემდეგ, "მანჩესტერ იუნაიტედი" მომდევნო ტრანსფერისთვის მზადებას გეგმავს, აღნიშნული პროცესი დაწყებულია სამიზნე შერჩეულია და შეთავაზებაც მალე გაკეთდება.

ინგლისური გრანდის შემდეგი სატრანსფერო კანდიდატი, მიუნხენის "ბაიერნის" ნახევარმცველი ლეონ გორეცკაა. აღნიშნულზე ინფორმაციას Sky Sports - ი ავრცელებს.

თავად გორეცკა არ ჩქარობს გერმანული კლუბის დატოვებას მიუხედავად იმისა, რომ ძირითად შემადგენლობაში 28 - წლის ფეხბურთელს ადგილი გარანტირებული არ აქვს.

გასულ სეზონში ნახევარმცველმა ყველა ტურნირზე ერთადაღებული 40 მატჩი ჩაატარა, 6 გოლი გაიტანა და 6 საგოლე გადაცემაც მიითვალა პირად აქტივში.

ამ ეტაპზე სხვა დეტალები, აღნიშნულ საკითხთან დაკავშირებით უცნობია. რა სახის შეთავაზება მომზადდება "წითელი ეშმაკებისგან" სპორტული პრესა სავარაუდოდ სულ მალე დაწერს.